又放閃喇！昆凌做小粉絲入場撐周杰倫個唱
20180322
東網電視
更多新聞短片
周董同昆凌又放閃喇！
台灣天王周杰倫（周董）喺紅館舉行一連10場嘅《周杰倫2018地表最強2世界巡迴演唱會》，尋日就已經開到去第六場，而身為天王嫂嘅昆凌亦都有入場撐老公。尋晚昆凌喺社交網晒同出友人喺場內化身小粉絲嘅自拍之餘，仲透露周董患上感冒，昆凌留言：「辛苦爸比了。重感冒還撐完全場！也謝謝大家陪他唱～you win！#veryproudofyou #sohappyyoumadeit」唔少網民都笑言昆凌染上晒恩愛嘅惡習，亦有人提醒佢要好好睇住周董，唔好畀佢咁搏命！
師弟來港救場
此外，周董日前亦有上載同師弟派偉俊嘅合照，並透露多謝師弟特登飛嚟香港救場，留言：「今天早上起床發現我沒聲音了⋯⋯馬上打給 @patrickbrasca 他下午飛過來香港 來支援我的高音 夠義氣的師弟 大家今晚加油」。今日周董有更新相，指希望可以快啲好番，留言：「穿新鞋 希望今天好運 趕快有聲音。」
而周董嘅個人品牌亦有為佢集氣，希望佢早日康復，留言：「一人一句關心替杰倫加油！gogogo！感冒趕快好～」
----------------------------
東網巨星開咗ig喇，大家快啲follow啦！