蝦頭畀足信任!邵子風斥啜女傳聞純粹捏造

20180322
東網電視
更多新聞短片
邵子風發文反駁報道指自己同女仔視像通話時啜爆對方。
藝人蝦頭(楊詩敏)的經理人男友邵子風被指背住女友跟一位四眼妹透過視像對話,更肉緊得啜爆對方,邵子風在社交平台回應:「工作關係我每天四處走,所以和同事間的溝通,大部分以視像進行,如傳媒有拍到我所謂『啜爆』影片,請提供,Cap一張講緊嘢嘅表情圖就當係?」他又指該雜誌沒有向他求證,只是搵蝦頭問件事然後就影低反應,邵子風續說:「我係覺得『得啖笑』嘅,有新聞好過冇新聞呀,最慘係我同事,人地(哋)大好家庭,有老公、有仔仔,而家無厘頭變成『肉肉女』…」
東網再找邵子風,問他會否覺得搞到女同事而唔好意思?他說:「我又唔覺得唔好意思,平日我同我細佬、阿媽都係視像傾偈,呢個係我嘅習慣,我同好多人都係用視像呢個科技。」
問到邵子風跟蝦頭的感情?他說:「目前冇乜嘢。(仲係男女朋友關係?)係!我覺得好搞笑囉。(蝦頭事前有冇話你知?)有。」邵子風表示該女子是他的秘書,兩人日日都會視像溝通,他說:「我想講我唔會改變我呢個習慣,我同男男女女都係用視像,(蝦頭對你百分百有信心?)係!」
其後,蝦頭喺網上現身並發長文訴心聲。佢表示身體抱恙失聲中,但依然到醫院探望病重嘅嫲嫲,同時亦要準備舞台劇工作,加上分手傳聞滿天飛,心情相當複雜及難過。不過,樂觀嘅蝦頭坦言懶理是非,仲話家人先係最重要,佢留言話:「每人每天或許要面對各式各樣的困難處境,有家人在身邊就是動力的來源。那些所謂的是是非非流言蜚語對我來說不必費力無謂上心,家人才最重要。感謝愛我支持我懂得欣賞我的每一位。我會繼續學習忠於自己,做好我的戲,唱好我的歌,活好我的人生。」加油呀!
----------------------------
東網巨星開咗ig喇,大家快啲follow啦!