名人：努力造人！樂基兒恨兩年之內做媽媽
20180322
東網電視
更多新聞短片
樂基兒出席品牌活動，身形圓潤不少。
名模樂基兒（Gaile）出席品牌活動，身形圓潤不少。她表示當自己正忙於將煮食情形拍照放上社交媒體呃like時，但突然接到記者打電話通知、才得知黎明的喜訊，她說：「恭喜晒Leon，都替佢開心嘅，希望BB會健康、得意。(有冇打電話或者send訊息恭喜Leon？)冇呀，唔想騷擾到人哋。(你有冇覺得好愕然？)唔會，因為每個人都有咁嘅機會。」
認同Timing好重要
樂基兒表示認識阿wing，但是並不是非常相熟，兩人在公司有見過面，自己覺得阿wing好nice。提及網上有指阿wing霸道，她說：「唔知呀。（阿wing曾經有同李治廷（Aarif）拍拖？）我喺公司見過Aarif，但係應該冇囉。」提及黎明的兩個離婚的人走在一起的言論，她直言：「我好認同timing係好重要，因為我同我老公都係咁，兩個人可以再一次fall in love，所以都好開心。」
一直有嘗試造人
問樂基兒是否準備做媽媽？她表示：「一直都有做瑜伽、運動等調理身體，同埋一直都有嘗試緊，但係我同老公成日飛，所以都係順其自然、冇乜壓力。（你有冇話想要仔定女？）冇所謂啦，最緊要BB健康。（你會唔會考慮減少工作？）有咗BB之後會考慮減少工作。（你急唔急？）我希望喺呢一、兩年之內做到媽媽啦。」提及雷頌德指黎明會是惡外父，她表示：「我唔清楚呀，但我覺得每個爹哋都會錫自己嘅仔女，所以佢應該唔惡囉。」
----------------------------
東網巨星開咗ig喇，大家快啲follow啦！