歷練多咗 林峯再演嬴政重拾集體回憶
20180322
東網電視
更多新聞短片
人長大了，林峯再演贏政（圓圖）更有氣勢。
藝人林峯出席活動，簽約古天樂經理人的他，謂今年相當充實，工作已排至2019年，今年將會有三套電影要拍，其中一部就是《尋秦記》，他表示後半年就會開始拍攝，談到是否同一角色？他直言是：「知道古天樂已經寫咗幾年劇本，但係最後版本仲未收到！（都係做贏政？）如果唔係嘅話觀眾冇同感。（可能做項少龍？）唔會啦，項少龍喺我心目中只有一個，要做番大家原本嘅角色，先至係集體回憶！」
他又指無綫電視劇《尋秦記》至今已相隔十七年，問有否覺得一眾演員外型有變？他表示雖然三人在工作上未有一同合作，但十多年來都有聯絡，默契更勝從前：「我就覺得我愈嚟愈正，其實當年自己都唔知喺度做乜，《尋秦記》係我第一套古裝劇，依家經過十幾年，歷練多就好啲！」當時他是一口答應拍攝的。問是否因為要拍《尋秦記》才簽約古天樂的經理人？他表示沒有關係，直言與對方已經認識多年，合作起來相當舒服，又可以做自己想做的事。
與Mc Jin有合唱新歌
談到今年另外兩套電影，一套是英皇電影《神探大戰》與劉青雲合作，另一套則是時裝戲，至於音樂方面，他表示與Mc Jin（歐陽靖）有一首合唱歌。被問可會與對方一起rap？他笑謂：「佢咁勁，我都係唱歌算啦，其他歌可能錄，但係唔會出碟！」
----------------------------
東網巨星開咗ig喇，大家快啲follow啦！