【尷尬】周杰倫當住昆凌面被問同舊愛往事
20180323
東網電視
更多新聞短片
一額汗！
台灣天王周杰倫喺香港舉行緊演唱會，作為天王嫂嘅昆凌就選擇靜靜地入場撐老公，不過就係因為太低調，粉絲唔知昆凌喺現場嘅情況下，當住佢面問周杰倫關於舊愛蔡依林嘅嘢，不過好彩周杰倫轉數夠快回答五個字就解決咗咁尷尬嘅場面！
今次周杰倫呢個巡迴演唱會有一個畀粉絲點唱嘅環節，期間有個女粉絲畀選中，不過佢唔記得咗歌名，即時唱兩句希望周杰倫知道佢講緊邊首歌，不過女粉絲啲歌藝就真係差少少，搞到周杰倫聽完都唔知佢唱緊乜，女粉情急之下就話：「我想點一首你寫給蔡依林的歌。」明知老婆昆凌就坐喺觀眾席，周杰倫反應超快即時神回：「蔡依林是誰？」一聽到周杰倫咁講即時全場爆笑。
其實女粉絲想點嘅歌就係《你怎麼連話都說不清楚》，當年周董作曲係寫畀蔡依林唱，收錄喺蔡依林2001年專輯《Lucky Number》入面，最後周董應女粉絲要求，全場大合唱咗呢首歌。事後唔少網民都大讚周杰倫叻叻豬識得咁答，如果唔係隨時要跪Keyboard跪過夜。
----------------------------
東網巨星開咗ig喇，大家快啲follow啦！