文詠珊傳短訊賀黎明做老竇:佢冇覆我

20180323
東網電視
更多新聞短片
文詠珊話黎明冇覆佢。
藝人文詠珊(JM)以露膊裙出席Louis Vuitton活動,對於前老闆黎明(Leon)宣布做爸爸,JM稱已傳短訊恭喜對方,但Leon沒有回覆,問到會送甚麼禮物?她說:「未諗,要知道係仔定女先,咁多人送禮物畀佢,我想諗一份有心思嘅禮物。(讚唔識Leon嘅助手新歡Wing?)識,但唔熟,以前係同事,但佢唔係負責我嘅工作。(覺唔覺得突然?)有啲,我都冇見Leon一段時間,唔知道佢近況,好耐之前同佢一齊食過飯。(覺得佢會唔會係好爸爸?)覺得係,因為佢好細心,呢個係感覺,佢屋企有好多寵物,係一個好有愛心嘅爸爸,覺得佢會好Sweet,好期待佢嘅BB。(佢同Wing襯唔襯?)唔需要其他人評論,最重要佢哋開心,送上祝福。」
談到工作,JM透露已放假一段時間,之前的皮膚問題亦已有所改善,5月便要返大陸拍劇,至少留三個月,提到又要與男友分隔兩地,她笑言:「唔會,佢都有好多工作喺內地,大家有默契。(Leon都做老竇,你會唔會想生B?)冇,唔急,呢兩年想工作先,再衝吓。(要攞獎?)好難講,攞獎係緣分,所以要有作品。」
----------------------------
東網巨星開咗ig喇,大家快啲follow啦!