群星到賀！蕭正楠41歲生日翠如冧叫My Boss

圈中情侶黃翠如蕭正楠（Edwin）出名恩愛，好多粉絲都叫佢哋快啲結婚，尋日係Edwin 41歲生日，女友黃翠如就喺社交網上載恩愛相祝Edwin生日快樂，佢仲稱呼Edwin做Boss：「My BOSS Happy Birthday n Happy Everyday。」仲話收工後帶佢去威。

點知到夜晚收工，翠如真係帶咗Edwin去威威，就係準備咗個生日飯局畀佢，見出席嘅有黃長興、袁偉豪、張寶兒、黃浩然同林夏薇等，真係好熱鬧，佢哋熄晒燈捧個蛋糕出嚟，氹得Edwin鬼咁開心。