青梅竹馬玩音樂 范冰冰「初戀男友」曝光

20180325
東網電視
更多新聞短片
到底……佢係邊個?

內地女星范冰冰上年獲男友李晨求婚,不過未落實婚期,淨係得李晨露口風話今年年尾會同冰冰完成「人生大事」,令粉絲萬分期待。雖然就嚟結婚,但網上忽然出現一批冰冰中學時期嘅舊照流出,包括多張玩樂器嘅相,當中更有指齊齊合照嘅男仔係佢「初戀男友」添!

有網友近日甫咗一批冰冰求學期間穿住制服、運動服嘅相,從照片睇,冰冰似係加入咗學校樂隊,吹長笛、雙簧管兼彈鋼琴,仲有指揮同學演奏嘅場面添,絕對係多才多藝。不過相片重點,係有一位高大斯文嘅男仔經常同范冰冰合照,兩個人成日企埋影相,雖然動作未有特別親密,但就有網友爆料指該男子其實係冰冰「初戀男友」,更有傳對方係冰冰長笛老師嘅仔仔,二人青梅竹馬,成日一齊練習而日久生情,而個男仔大個咗之後則繼續發展音樂事業,現為音樂老師。二人關係之說係真係假,睇嚟真係要冰冰親自解答至知喇。



----------------------------
東網巨星開咗ig喇,大家快啲follow啦!
https://goo.gl/KGuo2N