名人：徐子淇做公益獲表揚李家誠感榮幸
20180326
東網電視
更多新聞短片
徐子淇孖老公李家誠出席善慈晚宴，晒完美身材甜到漏！
「千億新抱」徐子淇與丈夫李家誠手拖手出席善慈晚宴，甜到漏！徐子淇穿上鏤空釘珠白色透視晚裝長裙，露出白滑玉背，身材若隱若現，她更佩戴300多萬元卡地亞（Cartier）高級珠寶既性感又高貴。
身為智行基金會親善大使並致力推動對抗愛滋及幫助有關患者的徐子淇，與基金會創辦人杜聰及兩名受助者一起受訪。而今晚徐子淇將獲大會頒發特別榮譽獎項以表揚其貢獻，她說：「呢個獎唔係屬於我，係屬於杜聰同埋好多人嘅努力。我同杜聰努力咗十一年，起初大家唔理解愛滋病，唔想將自己公司同埋愛滋病呢個字有關，但係依家社會嘅誤解同歧視已經逐步減少，所以我都好開心。」
今晚見到一對患有愛滋病的夫婦偕同兩位小孩到場，徐子淇直言有莫名的感動，她說：「呢對夫婦係患有愛滋病，佢哋帶埋兩個小朋友一齊嚟，呢兩個小朋友係冇愛滋病，以前父母有愛滋病，係好大機會傳畀小朋友，但依家冇。」
對於太太徐子淇的努力得到表揚，問李家誠有否為她感到驕傲？他即說：「覺得好榮幸！」問會否送禮物獎勵？徐子淇即插嘴說：「唔使獎勵！（旅行慶祝？）依家唔講呢啲。」
此外，懷有第二胎的名媛邢嘉倩腹大便便到場，她透露預產期是五月，話畢即急急腳入場。
----------------------------
東網巨星開咗ig喇，大家快啲follow啦！