袁文傑韋家雄約埋齊齊騎劫無綫盆菜宴？

無綫藝員袁文傑、韋家雄、郭少芸、古明華、馬海倫、許家傑、胡渭康、王卓淇、陳婉婷、姜麗文、阮政峰等在將軍澳電視城為監製梁財遠開拍的新劇造型。袁文傑與韋家雄均計劃年尾結婚，一切正在籌備中，婚期、酒席還未有定案，韋家雄笑說：「仲諗緊，會去外地影婚紗，但地方未定，睇吓有冇sponsor（贊助），如果自己畀就睇環境，TVB每年都搞盆菜宴，如果自己搞就喺嗰度搞埋，到時一定齊人。我就照派帖，到時專車接送，殺大家一個措手不及，哈哈。」文傑笑說：「原本盆菜宴我都有諗過，但係畀你講咗先，咁我惟有諗過其他。自己鍾意聽嘅音樂，夢想想搞個有少少搖滾騷嘅婚禮。」

搖滾盆菜宴搞足兩晚

問到兩人可會考慮一齊在盆菜宴舉行婚禮？韋家雄笑謂：「都幾好喎，盆菜宴有人唱歌㗎。」袁文傑笑說：「搖滾盆菜宴，到時又可以順便拉票，第一晚就請綜藝科嘅同事，第二晚就請戲劇科同事，連續兩晚，哈哈。」

新劇做奸角

此外，袁文傑在劇中扮演終極奸角，騙盡眾人的金錢，劇中搞風搞雨，問他可擔心破壞「游生」正面形象？他表示並不擔心，反而指等了這角色很多年，覺得是很大的突破。