舊足迹！古巨基返沙田「玩」師弟褲鏈

近日忙於為演唱會做宣傳嘅歌手古巨基，除咗要為無綫節目《流行經典50年》做客席主持，近日又殺埋入《東張西望》做主播，基仔一下子做主持嘅回憶真係返晒嚟！

今日基仔繼續懷緬過去，返到昔日成長之地沙田穗禾苑，同大家睇吓呢個地方有冇點變！基仔話以前喺呢度成長，仲感慨之前呢度有間士多，細細個會喺度買嘢食，講番昔日嘅點滴：「嗰個年代會有汽水蓋去換嘢，我哋喺度執汽水蓋，之後睇吓會唔會有贈飲呀，或者換搖搖呀。」之後一個轉身，基仔就「轉戰」去街市，佢話因為細個係由嫲嫲照顧，所以閒時會陪嫲嫲落街買餸，佢仲成個導遊咁，帶大家去街市四周圍去，仲講得出檔口之前係咩，真係唔係得個講字，唔少網友大讚佢夠親民！

到咗放學時間，小朋友終於放學，「微服出巡」嘅基仔畀成班小朋被圍攻，而基仔仲係呢個時候遇到相隔N年嘅師弟，以大師兄身份「玩」師弟：「你未拉褲鏈呀！」搞到小師弟即刻走人，基仔打完場咁話：「我細個嗰陣都未拉褲鏈！」令全場爆笑！最後佢仲返去小學隔籬個球場遠距離咁望下小學，仲講昔日留低腳毛嘅點滴添！

網民有話兒：

ChXXg XXng： #我又係讀蕭漢森+又係住穗禾苑

AXXes NXXi：好衰！笑細路冇拉拉鏈。

MiXXXu Lo：沙田友, 古仔好親民喔~

YXn CXXu：沙田友

----------------------------

東網巨星開咗ig喇，大家快啲follow啦！