結婚8個月 陳柏宇讚楊偲泳正過老婆
20180327
東網電視
更多新聞短片
陳柏宇才結婚8個月，出席公開活動時竟然讚模特兒楊偲泳正過老婆符曉薇（圓圖）。
歌手陳柏宇（Jason）和模特兒楊偲泳（Renci）以代言人身份到銅鑼灣出席運動品牌的跑鞋發布會。主持人問二人為品牌拍攝的照片哪張最好看，Jason話自己已婚因此不能評價，主持人追問如果未結婚又如何？Jason說：「如果未結婚，張張都鍾意！」
二人是首次合作，但過程愉快，Jason大讚Renci專業，原因是自己最不擅長拍照：「係佢救咗成輯相，雖然我平時都成日影相，但係再多嘅經驗都救唔到我呢種影相資質。但Renci大讚Jason識搞氣氛：「因爲佢講嘢好多，令到現場氣氛冇咁尷尬，佢又會搞爛gag，發揮幽默本性，令現場氣氛好好。」
唔想兩公婆一齊做嘢
另外，Jason爆太太（符曉薇）的波鞋比自己更多。問為何不跟模特兒出身的太太夫妻檔代言？去年7月才小登科的Jason抵死回答：「因為Renci正好多……喺影相方面！我老婆以前做模特兒，我成日話佢影相唔靚，我會話佢真人靚啲，呢樣嘢我同佢好似，就係硬照係代表唔到我哋性格，例如我嘅魅力係來自同人溝通，唔係影相。」
他又說自己不想同太太一齊工作：「兩公婆本身已經容易喺工作以外有爭吵，生活上大家容易讓步，但係工作上就好難，雙方都會好堅持自己嘅諗法，就容易嗌交。」雖然Jason說盡量避免同太太工作，最後亦補充道：「但係我係唔介意同佢一齊工作嘅。」
而Renci就話自己無法坐定定，生活中大部分時間都係着波鞋：「我會練波、做gym，總之一定會Keep住郁，所以着波鞋就最方便，唔使帶多對來換，啱晒我呢啲懶人。」
----------------------------
東網巨星開咗ig喇，大家快啲follow啦！