昆凌甜笑晒母子合照 小小周似足周杰倫!

20180328
東網電視
更多新聞短片
又真係跟得幾足喎!

台灣「天王嫂」昆凌分別喺2015年7月及去年年中為老公周杰倫(周董)誕下囡囡(小周周)及囝囝(小小周),一家四口非常幸福!但小周周與小小周好少有亮相喺人前,保密措施做到足!

呢日昆凌就係社交網上面甫相,相入面佢同小小周着住全黑母子裝,小小周仲好有型咁捉住頂帽!睇真啲就會發現小小周呢個動作好似似曾相識,原來係好似佢老竇呀!周董有時戴帽都會擺呢個甫士,唔知咁樣算唔算係遺傳呢?連昆凌都忍唔住留言話:「一模一樣的姿勢~有其父必有其子!」呢次張相就明顯見到囝囝嘅半塊面,有網民就留意希望跪求小小周嘅全相滿足一下佢哋嘅心願!