孖黎明講父母經　胡楓避談契孫性別

藝人胡楓與羅蘭到佐敦出席剪綵活動。講到健康之道，身體一向健壯的胡楓透露靠多做運動保持健康，他說：「平時會多啲行路運動，行路對五臟六腑都好，臨瞓前會行一個鐘，行到攰少少，仲會好瞓啲。」而羅蘭則表示每朝起身會飲兩杯水及拉筋等運動，現時每年會打兩支預防骨質疏鬆的針。

胡楓契仔黎明將做老竇，問到可有分享健康心得？胡楓笑說：「唔使教囉，個個年紀都有番咁上下，佢教我就差唔多。（同黎明分享做父母經驗？）有，傾吓偈，祝福吓佢，有溝通啦。（就嚟又抱契孫？）係呀。（有幾多個契孫？）冇數過，契仔、契女就有十五個。（黎明BB係仔定女？）你問吓佢啦，總之就有BB啦，哈哈。」