加盟新公司傾足3年！盧凱彤唱好廣東歌
20180328
東網電視
更多新聞短片
盧凱彤簽約新公司將重返廣東歌樂壇。
歌手盧凱彤（Ellen）及樂隊Dusty Bottle（DB）到油塘This Town Needs為環球唱片旗下全新音樂廠牌「Brave Nusic敢作敢樂」舉辦成立派對，分別獻唱《荒原》及《That Shit Raw》等歌曲。
受訪時，Ellen表示這天是他們正式加盟的日子，DB成員Jeff坦言很開心和期待在這裏開騷，他們的作品已在各大音樂平台可以收聽。Ellen即笑他很「扮正經」，而自己亦感到很榮幸：「我哋未合作過，希望會啦。佢哋表演好正，今日仲有歌手Shimica（黃宇希）一齊演出。」問為何選擇加盟這間公司？她自言做了獨立音樂人自資出碟3年，後來遇到環球唱片董事總經理Duncan（黃劍濤）：「我哋商量咗一段時間，覺得環球好啱我嘅計劃同條件。我作為自己嘅唱片公司老闆，覺得呢個Indie Label（獨立廠牌）可以有更多發展同好大音樂自由，所以係時候同其他人合作，令我嘅音樂世界更加闊，接觸到更多人。」
平靜地度過32歲生日
Ellen認為自己造音樂有時就像困於房中，現在可以認識更多人：「同埋我想重返廣東樂壇發展。（傾咗幾耐？）大概3年。（仲耐過林二汶同新公司傾！）諗咁耐因為一直好想用自己方式出碟，所以一路擱置加入公司。我都有同二汶討論過，我哋咁啱喺今個月簽咗兩間公司，我哋嘅發展係好巧合地同步，唔會相差太遠。」
而DB亦指公司給予他們很大自由度，可以實現自己想造的音樂，很感謝公司支持，Ellen則希望日後有更多樂隊加入。說到昨日（27日）剛度過的32歲生日，她形容是平靜地度過，認為最重要身體健康，可以專心造廣東歌。
----------------------------
東網巨星開咗ig喇，大家快啲follow啦！