鄧月平自爆發呆畀人鬧：放空時有畫面

藝人鄧月平現身發呆比賽，同場還有trivago男神黎學勤與模特兒女友林洛鍶、舞台劇演唱鄧智堅等，鄧月平更是參賽者，她說：「以前讀書發呆會畀老師鬧，返工發呆就會畀老闆鬧，屋企發呆會畀媽咪鬧，所以好開心，做演員有時要畀自己靜下嚟先好，發呆可以幫助心靈舒緩，我係自己報名嘅藝員組別，之前Facebook出宣傳時，我啲閨蜜已經tag我。」

她又說到自己鍾意諗嘢，稍後有新戲，可以趁機想吓電影角色，提到發起人方力申希望大家發呆放空，暫停思想，她似有違原意，她說：「我發呆時不斷有畫面，放空到有時都會有畫面。（你會保持乜嘢姿勢發呆？）倒掛金勾就唔會，會係一個最舒服嘅姿勢，唔知其他參賽者點，我就要擔住遮，女仔唔好曬咁多，要好好保護自己，同埋一陣都要去錄歌，希望可以夠時間完成賽事。」