Hayley講Taylor唱男人歌捱轟　對方挺身護航

美國同志女歌手Hayley Kiyoko近日於訪中提到天后Taylor Swift個名，輕輕講一吓就傷害咗對方粉絲的玻璃心了，火速成被批評的對象！事源Hayley於訪問中講起被音樂界的公司高層嫌棄她拍攝有關女性的MV：「佢哋同我講：『你又拍其他有關女人嘅MV呀？』我就望住佢哋話：『係呀，Taylor Swift每隻歌同MV都有關男人，而且冇人投訴佢做得太多』。」Hayley表示自己愛女性所以（於MV中）與女性有親密行為，並非過度性化她的音樂！不過其言論仍被Taylor的粉絲鬧爆，有人更於偶像與粉絲交流的個人應用程式中瘋傳，有心水清的Taylor粉絲就表示Hayley僅僅被斷章取義，而非有心話Taylor！

至於Taylor呢個時候都挺身而出，於粉絲對話期間搭話，表示同意：「我哋應該為藝人勇於通過他們的藝術同人坦白分享自己的浪漫經歷而鼓舞，事實係我冇遇到恐同人士，而佢有。呢個係佢嘅權利講出任何對同志與異性戀權益有雙重標準嘅人。」Hayley即於社交網留言為Taylor送上心心！