東網電視
更多新聞短片
汪明荃專程嚟探羅家英班。
1/14
藝人羅家英、李子雄到邵氏錄影廠錄影由梁漢文、林敏驄（阿驄）主持的ViuTV遊戲節目《Good Night Show全民星戰》，期間家英太太汪明荃（阿姐）以老婆身份現身探班，並大方合照，惟合照時阿驄竟大膽將ViuTV貼紙放在無綫鎮台之寶阿姐頭上！而阿姐表現親切，但就指不方便受訪。事後家英表示不怕阿姐被阿驄影響：「佢咁低B，睬佢都傻！佢咩人都玩㗎啦！（點解阿姐會嚟？）佢細佬喺外國返嚟，喺附近飲茶，順便嚟探我。」
去俄羅斯睇世界盃
問到世界盃支持哪一隊，家英表示睇好比利時，李子雄則是巴西忠實球迷，他們又表示會到俄羅斯欣賞決賽現場賽事，家英更會帶同阿姐同行，問阿姐會否睇波？家英笑說：「佢鍾意睇我呀！佢唔係好識啲規例，第一次睇我踢波嗰陣，我追唔到個波，個波出咗界，我用手掉界外球，佢問做咩我用手唔係用腳，佢又唔識越位嗰啲。（阿姐平時做咩運動？）以前有打羽毛球，最近就跳舞、做Gym。」
唔怕阿姐尷尬
阿姐大約逗留一小時，事後家英被問到會否怕阿姐身份尷尬？他說：「今日出咗少少意外，有『某公司高層』嚟探班，其實就係羅汪明荃，佢今日係以羅太身份、明星足球員隊名譽會員身份嚟探班，而且冇接受訪問，只係影張相啫！咁我好少做電視節目，佢帶埋細佬嚟幫我打氣，大家一家人嘛！（驚唔驚TVB唔鍾意？）唔講啦！或者唔小器呢！其實演藝界應該和和氣氣、百花齊放、冇問題嘅！」
----------------------------
東網巨星開咗ig喇，大家快啲follow啦！
羅家英聽汪明荃電話？
係咪有啲熱呢？
林敏驄將ViuTV貼紙貼落汪明荃頂帽度。
小心呀！
汪明荃帶同弟弟（左二）及弟婦（左一）來探羅家英班。
汪明荃到咗啦！
羅家英就好啦！
真係勁大膽！
掂啦！
汪明荃好有心！
準備影合照。
羅家英擺晒甫！
羅家英搭住李子雄膊頭受訪。
