遇劫驚到震！佐敦南非泊錯車出晒事
20180402
東網電視
更多新聞短片
佐敦同仔女及攝製隊去南非拍節目期間遇劫。
英國巨胸模佐敦（Jordan、真名Katie Price）早前同12歲仔Junior及10歲囡Princess與電視節目攝製隊在南非拍第二輯真人騷《My Crazy Life》時被打劫。南非警方確認上周四晚佐敦等人由約翰內斯堡往斯威士蘭途中，晚上八時團隊座駕停泊在暗處打算讓小朋友去廁所時，被在旁埋伏的三個賊打劫，當時賊人身上冇任何武器。有指賊人當時有吸毒，有一個男士勇敢制止反被賊人打瘀眼，佐敦同仔女被劫匪趕出車，手機、電腦、護照、鑽石、珠寶、錢約值11萬港元財物被搶去，暫時冇人被捕。警方發言人建議係唔好將車泊黑暗處。當地旅遊安全官員Athol Stark說：「嗰班賊係機會主義者，佢哋見邊啲人停車就會去搶劫佢哋。」續指他們在錯的時間出現在錯的地點。
警方接報後到場護送佐敦等人翌日早上到安全及私人的地點：「佐敦同仔女好驚，佢地要鎖咗門同有保安先能夠安心放鬆。」劫後餘生的佐敦向友人說：「真係好好彩能生存，件事本來可以變得更差。」
----------------------------
東網巨星開咗ig喇，大家快啲follow啦！