蕭正楠阿田大西洋登台High爆唱到凌晨三點

藝人蕭正楠（阿蕭）近日完成新劇《十二傳說》拍攝工作後，與田蕊妮到美國大西洋城登台，唱足超過兩小時，凌晨三時先完騷。

適逢昨日是「哥哥」逝世15周年，阿蕭接受東網訪問時，透露於活動上獻唱四首張國榮的歌曲，包括《大熱》、《追》、《風繼續吹》等，更與一名華僑觀眾合唱《當年情》他說：「我一向都有唱開哥哥（張國榮）啲歌，哥哥真係冇得輸！不過尋晚唱多啲，因為哥哥啲歌太深入民心，所以我一唱《當年情》，觀眾即刻舉手上嚟唱。」

阿蕭又指當地粉絲熱情：「可能佢哋少見香港藝人，不過現場有四個保安圍住我哋，所以落台握手秩序係良好，但佢哋捉住我哋手唔放咁滯。」