陳瀅俄國機場大膽直播落妝 驚變油面婆？
20180402
東網電視
更多新聞短片
女神幻滅？？？
無綫小花陳瀅連日都喺社交網甫靚相，皆因佢同好姊妹劉佩玥去咗俄羅斯，但兩人原來其實唔係去玩，係去拍無綫節目《3日2夜》呀！陳瀅呢日喺俄羅斯莫斯科機場玩直播，究竟做咩？係當場表演落妝呀！原來好多人都問佢「唔係唔夠膽呀？」，就係因為咁佢終於搵啱時機，喺等上機返港前找數！
抹甩Con眼睫毛
原先化晒妝嘅佢先紮起頭髮，之後就攞咗張卸妝紙巾抹臉，抹抹吓嘅佢仲唔小心捽甩副Con（隱形眼鏡），非常狼狽，工作人員仲笑佢咁大膽落妝！雖然得張紙巾，但佢絕對一啲都唔Hea，見佢抹得好大力，抹到眼睫毛都甩埋，仲向鏡頭展示「戰績」！佢仲溫馨提示大家唔好用卸妝紙，因為好易抹到有皺紋，最好用卸妝油咁話！
成面油光嚇窒網民
落完妝冇嘢睇？錯喇！佢再表演敷Mask，不過唔係Paper Mask咁驚喜，係搽喺面上嗰隻！期間仲有個俄國女仔向佢搭訕，問佢係咩嚟！陳瀅仲好Warm咁提女士們記得要敷埋頸，因為有頸紋就會暴露年齡㗎喇！塊面反晒光嘅佢變咗油面婆，有啱啱先睇Live嘅網民都畀佢嚇親，以為佢出晒汗！佢笑言：「其實有啲核突嘅！不過唔緊張啦，最重要唔係靚，而係皮膚好！」表演完畢嘅佢，網民都大讚佢素顏同化妝冇分別，皮膚好好，果然係女神咁話！期間有網民留言：「表演『原筆』，咁要表演『擦膠』！」點知「鬼妹仔」陳瀅唔係好識睇中文，佢話：「咩膠呀？係咪寸我㗎？」
何雁詩呢？
而網民亦提起佢哋另一姊妹何雁詩，問下次拍攝可唔可叫埋佢，陳瀅都話好想佢去咁話！最後陳瀅開Live超過20分鐘，跟住佢哋就去食嘢，返嚟再見大家呀！
----------------------------
東網巨星開咗ig喇，大家快啲follow啦！