有新欢！梁靖琪挞有米纹身小鲜肉

35岁艺人梁靖琪（Toby），自2014年初与结婚半年的富贵老公Aaron离婚后，身边一直不乏追求者。之前曾经传Toby搭上貌似温家伟的“巨胸”新欢陈基燊，不过Toby就一直否认。之前Toby曾经透露自己嘅择偶条件，话自己唔使大只靓仔，不过口里说不，身体却很诚实，原来Toby情归叫Jon嘅纹身小鲜肉。

虽然Toby一直将恋事低调处理，将新恋情冚到密密实实，想保护爱情小幼苗，但就百密一疏畀友人喺社交网Post相唔小心出卖咗！

相中见佢哋一大班朋友去布吉旅行，着住泳衣嘅Toby同纹身大只仔黐到实一实，好亲密咁，今次想唔认都唔得喇！据知纹身小鲜肉年纪过Toby一截，不过男方家底唔错，而且最重要嘅系佢哋有好多共同兴趣添！

Toby对于新恋情透过短讯回覆东网说：“感情生活想保持低调，都系以事业为重，我现在生活得好开心，多谢大家关心！”