佗B唔停工　宋熙年爆老公流晒口水

無綫藝人陳智燊（Jason）與宋熙年2016年於英國結婚，兩人也喜歡小朋友，婚後努力「造人」，昨日Jason終於宣布做爸爸，上載攬實老婆宋熙年的相，兩人身旁有一部掛上「BOSS BABY」的BB車。宋熙年透過短訊回覆分享做媽媽的喜悅，她笑說：「老公超開心，流晒口水。」

講到佗B情況宋熙年表示：「BB好乖，所以唔太辛苦，Jason好貼心照顧我。我哋好開心，懷孕感覺好奇妙，多謝大家祝福，我會好好照顧自己。」宋熙年覺得生仔或生女也沒所謂，最重要是BB健康。問到會否減少工作安心養胎？宋熙年說：「一直工作都唔太辛苦，經理人及公司安排得好舒服，只要唔太辛苦都會繼續開工，到時再睇身體狀況，希望做一個家庭事業兩得的好媽媽。」