Cheronna＠SG打頭陣晒腰扭籮開騷嗌緊張

組合Super Girls在銅鑼灣舉行迷你音樂會，先由露腰的吳嘉熙（Cheronna）單獨唱出4首歌，其中一首是新歌《把持》，期間有扭腰及扭籮，而其他成員就在台下支持，唱完《活著多好》後，她因憶起去世的馬來西亞朋友忍不住落淚。其後五女出場，唱出《有沒有我》等兩首歌，

騷前受訪時Cheronna表示今次是首次在室外與樂隊唱新歌，其他成員即謂想睇她與男舞蹈員跳性感舞，她即笑言：「但今日得我一個跳咋，如果你哋想睇我下次叫佢出嚟囉。」問到男友黃奕晨可會來支持？她謂不會，因男友要工作。她又坦言今日很緊張：「因為要自己唱幾首歌，雖然後面有4個人陪我，但佢哋係樂隊。」她又叫其他成員在台下支持她，其他成員表示：「我哋係一家人梗係會齊心支持。」

男友嫌MV唔夠性感

抵死的她們更笑指Cheronna是「獨立歌手」：「今日好開心可以同獨立歌手合作。」問她們可會妒忌Cheronna可以單飛出歌？她們表示沒有，又笑言叫公司輪流幫她們每人出一首歌。Aka又踢爆Cheronna男友嫌其新歌MV不夠性感，問她平時在眾女面前都是否很性感？眾女即笑言：「佢天生性感，但性感一面唔會畀我哋睇，但佢平時喺我哋面前會用BB音同男友講嘢，好核突。」Cheronna即笑言下次會檢點些。