親子旅行 千嬅同仔仔逼經濟艙網友激讚
20180405
東網電視
更多新聞短片
千嬅同仔仔享受親子樂！
歌手楊千嬅在2009年與丁子高拉埋天窗，再在2012年誕下愛子丁進諾（Torres）。楊千嬅相當愛錫仔仔，每逢放假都會抽時間陪佢。趁住復活節假期，楊千嬅又帶咗仔仔同埋啲同學仔一齊去新加坡同馬來西亞旅行，仲去咗當地出名嘅主題樂園玩添！
楊千嬅將旅行相片上載咗到社交網，先見到佢喺飛機經濟客艙影咗張自拍照表示出發，然後見到佢陪個仔喺主題樂園玩小型賽車，真係好有母愛！千嬅留言：「每次學校假期和小丁去旅行，都見證着他的成長，同一個地方同一個景點，即使重複又重複，但仍是珍惜和感動，你快樂所以我快樂……兒童節快樂！小丁成長日記，同學仔旅行，happiness（開心）。」
唔少網友都讚千嬅係超級好媽媽，仲大讚佢並冇因為自己係明星而同仔仔單獨坐商務或頭等機位，令仔仔唔會覺得自己比其他同學仔有優勢，所以讚千嬅處理得好好咁話！
----------------------------
東網巨星開咗ig喇，大家快啲follow啦！