【童年陰影】鄧月平被騙友情有助演戲

現年20歲的影壇新人鄧月平憑首部電影作品《小男人週記3之吾家有喜》，入圍角逐本月15日舉行的《第37屆香港電影金像獎》的「最佳新演員」獎。能夠入圍的鄧月平表示很開心，因為被人賞識並非必然。面對四位強勁對手凌文龍、陳漢娜、歐鎧淳及梁雍婷，她會以輕鬆心態面對成敗：「對手強係好事，可以向對手學習嘅地方好多，我反而覺得佢哋係同道中人，真正嘅對手永遠係自己，唔好同人比較，最緊要做好自己。」

屋企教落打不還手

首次拍電影便入圍金像獎，原來鄧月平初入行時信心不足，因小時候的她曾是戲劇學會成員，因為少說話，老師不放心將重要角色交給她，加上家教嚴，即使被人欺凌都要「罵不還口，打不還手」又要用零用錢請朋友食嘢，令她有感友情被騙，亦造成童年陰影。幸而，入行後得到「恩師」鄭丹瑞（旦哥）的鼓勵和教導，為她打好演藝事業的基礎：「佢話我得，叫我放膽去做！仲話我有唔好嘅經歷係一種福氣，可以幫助我演戲。」

幸有知心閨密

參加ViuTV選美活動後入行的鄧月平，一年多來遇上工作不順境時，不想家人擔心未有向他們傾訴，反而向閨密談善言訴苦：「我有唔開心都會同佢講，我哋又會傾吓點演戲，好慶幸有一班好為我切想、好錫我、愛我嘅閨密。」去年她推出單曲，坦言想多向電影方面發展：「今次得到提名，無論得獎與否，都要努力做出好嘅作品先對得住旦哥，對得住投票畀我嘅人。」另外，今日她為新歌《最佳演員》舉行發布會，她指歌曲靈感來自入圍金像獎最佳新演員，希望分享正能量。

服裝：MAGinSHOP

場地：M2 Home

----------------------------

東網巨星開咗ig喇，大家快啲follow啦！

https://goo.gl/KGuo2N