飛摩洛哥朝聖　劉嘉玲晒搶眼Henna紋身

藝人劉嘉玲一直都係有品味之士，更加係時裝騷常客，平時嘅打扮都勁吸睛，估唔到佢連去旅行都嚟個戰鬥格，呢幾日佢就以一身潮味富貴Look飛摩洛哥朝聖，仲大擺甫士狂影靚相添！

一口氣Upload十九張相加三條片嘅嘉玲，雖然未有透露自己去咗邊玩，不過就有眼利網友睇得出佢身在摩洛哥，仲狂影靚相體驗當地文化，除咗去品牌朝聖，佢又貼地走落民居走番轉，睇特色手袋之餘，更加玩埋Henna紋身，兼拍片紀錄被畫Henna嘅過程，之後即刻自拍大晒成果，係型嘅！睇嚟今次摩洛哥之旅冇老公梁朝偉喺身邊，不過佢都依然玩得好Happy咁啵～