范丞丞探花出道 李晨爆范冰冰激動爆哭

20180407
東網電視
更多新聞短片
好叻叻呀!(資料圖片)

內地真人騷《偶像練習生》尋晚終於去到最後一集,選出九人男團NINE PERCENT嘅出道成員,而當中內地女星范冰冰細佬范丞丞,眾望所歸以超過1,500萬票登上第三名,成功出道!冰冰知道呢個咁好嘅消息,即時喺微博祝細佬出道快樂,仲話佢露出「姐姐般的微笑」,她說:「福西西(范丞丞別名)!出道快樂!未來可期!謝謝幾位辛苦的老師們!當然更要感謝那麼多的全民製作人們!說真的,我的確露出了姐姐般的微笑!謝謝大家!」

而身為未來姐夫嘅李晨,喺微博大爆冰冰知道丞丞能夠出道拎住個電話開心到喊,佢仲偷影低呢個重要時刻,之不過被人「滅口」:「他姐抱著(着)手機看哭了,我偷拍的照片生生被刪了……夢想在路上,一段旅程結束預示著(着)新的開始,加油吧福西西!​​​​」