心痛有狗被掟落街 宣萱望多關注精神病人

20180407
東網電視
更多新聞短片
愛狗之人宣萱講到掟狗落街新聞一事時坦言心痛。
藝人宣萱今日現身單手掌上壓挑戰閉幕禮,她表示因為緊接要出發前往橫店拍劇,所以未有帶同愛犬出席活動。對於往內地拍劇,宣萱表現相當興奮:「好鍾意上去拍劇,依家環境唔同晒,有好多美食!」她又笑話已一早聯絡好友胡定欣見面,問到將逗留多久?她指一共有20日的戲份,但會分散多個星期拍攝,唯一令她難以適應是天氣:「8度呀!冇諗過4月都仲要帶暖包上去,拍完之後會再開電影同電視劇,7月會同埋方中信一家、鮑起靜夫婦等去歐洲Shopping!」
社會壓力係根源
談及最近掟狗落街新聞一事,宣萱心痛指:「耐唔耐都會發生,之前睇會嬲,但依家睇到就只會諗政府可以點多啲關注啲精神病人,社會壓力係問題嘅根源,演變到啲人唔傷害人就去傷害寵物,可能嗰剎那佢哋都控制唔到自己,香港地方實在太細同壓力太大。」從而她表示每次經過地產舖都會驚一驚,因為見到樓價太高:「叫人點生活?其實辣招都阻礙到我買樓。」