分開廿幾日　劉畊宏老婆忍唔住去巴黎尋夫

正所謂小別勝新婚，台灣藝人劉畊宏最近去咗法國巴黎一段時間，太太王婉霏呢日終於受唔住相思之苦飛到當地「尋夫」，劉畊宏好興奮咁喺社交網上載二人合照，留言話：「感謝婉霏飛來巴黎為我加油...[淚]我們20多天沒見了...突然感覺精神飽滿[哈哈]..跑前先好好吃一下！」睇相見到佢兩公婆好鬼癡纏，喺機場見面已經上演一幕久別重逢嘅戲碼，情不自禁咁深深擁抱，之後佢兩個仲去咗歎海鮮，真係好sweet！

而王婉霏亦有轉發老公嘅博文留言話：「一通電話的游說，讓我立馬出發，孩子你們乖乖在家，媽媽去去就回！雖然媽媽很難放下你們，但爸爸這時也需要媽媽 這三天像是偷來的，說走就走的旅行！特別不容易！」