做司儀人生高峰!黃心美訪問麥迪文暈晒浪

20180408
東網電視
更多新聞短片
心美一講麥迪文即暈晒大浪!
藝人黃心美到奧運出席《第37屆香港電影金像獎頒獎典禮-ViuTV紅地氈司儀招募活動》,現場有六位新司儀鬥口才爭做金像獎紅地氈司儀,接受嘉賓王宗堯、邵音音及游學修的考驗。
心美賽前睇好6號參賽者毛曄穎,大讚她聲線及語調似足陳貝兒,問到心美覺得何謂一個好司儀,她笑說:「好似我咁樣啦!我入行初期都做過紅地氈司儀,要做好多功課,熟悉晒提名人嘅資歷,記方面我冇乜問題,但要揾資料,有啲委員嘅名唔錯得。(有冇試過蝦碌?)咁又冇,但好開心訪問過大明星好似周潤發。(有冇見過偶像,自己好緊張?)都冇,但我覺得訪問嘅機會仲難得過合照。」
被讚到飄飄然
講到最難忘的一次訪問經歷,她表示是到美國訪問里奧勒度狄卡比奧及麥迪文:「我同麥迪文講好緊張,佢就安慰我,訪問完之後佢仲讚我well done Scarlett,佢記得我個名,好Nice!(見到里奥仔有冇暈晒浪?)我見到麥迪文暈啲。」
靚靚出席紅地氈
心美表示今年只需扮靚靚出席紅地氈,問到戰衣會否性感?她表示尚未揀好,但以端莊為主,問會否想將來以提名人身份出席?她笑言沒有想過。
----------------------------
東網巨星開咗ig喇,大家快啲follow啦!