試造人7個月！陳柏宇灰到以為自己不育

歌手陳柏宇（Jason）日前在網上宣布成功造人，太太符曉薇（Leanne）佗B女3個月，Jason首度公開露面接受電台訪問，他開心說連日收到不少祝賀，朋友們都踴躍要做B女的契爺契媽，所以到時收到的利是將存入「陳柏宇囡囡基金」，讓大家一齊和B女成長。問到忍住三個月不宣布喜訊是否很辛苦？Jason坦言：「最慘要講大話。（所以你當日林奕匡婚禮上話一定快過佢？）係，嗰時已經知有咗！」

以為自己「唔得」

周柏豪讚你是「快槍手」？Jason笑言：「上年6月已經開始試，但一直唔成功，喺我嘅世界已經覺得好耐，好漫長，再唔得，我真係以為自己「唔得」，心理壓力好大，咁會將成件事嘅樂趣攞走晒！」 期間可有去驗精子和卵子？Jason坦言：「冇，我冇驗精子，我唔想，唔想喺人哋舖頭度做呢啲「手續」。」

個個月都驗孕

問到太太是否每月Keep住驗孕？Jason坦言：「佢個個月都驗，又話自己經期好準，一遲就驗，咁個個月都遲即係唔準啦，佢直情上網訂大批驗孕捧，依家屋企仲有好多驗孕捧。」Jason說到太太佗B期間曾經「流啡」，當時太太都立即到醫生處檢查，醫生稱在懷孕13周前有這情況都正常，都有給她安胎藥。他又謂太太有作嘔，胃口亦不太好，但想吃的都會吃很多。Jason笑謂太太乘機因懷孕而不做家務，已變作「女皇」。

開刀順產未決定

現預產期是10月，太太想開刀，而家人就提議順產，他謂：「我會尊重太太，亦都會尊重屋企人，所以都會research下兩樣嘢嘅好壞再決定，暫時方案係留港待產，亦搵咗陪月做好準備。」

----------------------------

東網巨星開咗ig喇，大家快啲follow啦！

https://goo.gl/KGuo2N