學定湊仔!苟姑娘掃家品築愛巢

20180410
東網電視
更多新聞短片
學定湊仔都啱喇!
將為人妻的苟姑娘早已與陸漢洋在貝沙灣共賦同居,日前更分別外出睇傢俬及家品,打造新婚愛巢。苟姑娘又經常湊住細佬的兒子四圍去,學定做媽咪。
當日下午2時半,戴住口罩的苟姑娘乘坐男友家族名下的座駕,前往香港仔一個屋苑接姪仔,見她細心地安頓姪仔上車,然後直駛銅鑼灣一間大型傢俬店閒逛。母愛氾濫的她抱住姪仔往選購廚房及浴室用品,在揀選大型家品時,索性把姪仔放在購物車內,之後又抱起姪仔去睇玩具。掃完貨,苟姑娘帶姪仔去附近咖啡店買飲品及蛋糕,其後先將戰利品放回座駕,再同姪仔去附近玩具店買玩具和學習圖書,對小朋友照顧得無微不至。
另一日,陸漢洋撇甩未婚妻,與女友人往香港仔家品店購物,期間不時講電話,似與女友電話傳情。當日他主攻小型雜物箱及家居用品,逛了約半小時,便拿着戰利品離開。未知是否有腰傷,見他行路時不時按着腰部,臨走前再往藥房買藥才返回愛巢。
----------------------------
東網巨星開咗ig喇,大家快啲follow啦!