被老婆偷拍浴室開唱　王力宏體重意外曝光

台灣歌手王力宏係好多女士心目中嘅男神，不知有幾多女人羨慕佢老婆李靚蕾。唔少網友都笑言李靚蕾今世可以嫁到有樣有身材有才華嘅王力宏，上世一定係拯救咗銀河系咁話！而早前王力宏就搞笑指自己晒肌都敵唔過部電話。

呢日李靚蕾就喺社交網上傳咗一條偷拍王力宏喺浴室嘅片，片中李靚蕾指王力宏正積極準備開騷，每晚都會喺浴室大展歌喉，李靚蕾仲有打開少少浴室門，見身穿白色浴袍嘅王力宏望住電腦講電話，之後又企喺上磅磅重，鏡頭仲特寫數字約72kg左右。就喺呢個時候王力宏發現咗喇，走出浴室笑問：「你在偷拍我，是不是要報復？」佢仲整下身上嘅浴袍搞笑話呢個係浴袍演唱會嚟添呀！一班網友睇見都大讚王力宏好搞笑，就快畀佢兩個閃盲喇！