夠晒慳!城嫂方媛晒11.9人仔韓款頸帶

20180411
東網電視
更多新聞短片
方媛除咗慳家之外仲念舊,睇佢戴住條11.9人仔嘅韓款頸帶就知啦!
天王郭富城嘅太太方媛自誕下千金Chant後,一直相夫教女,直至早前終於出席公開活動,呢排仲頻頻喺網上露面,唔通佢有意重返幕前?
今日凌晨,方媛再度更新社交網,並上載一張喺車廂內嘅自拍照,見佢換咗長直髮新Look,仲着住黑色衫戴上型格頸帶,相當Chok!美中不足係相片有啲模糊,方媛亦留言:「今天拉直頭髮突然發現變好長了,晚安。」
點知有眼利嘅粉絲發現,方媛幾年前為廠商做模特兒拍攝嘅頸帶一模一樣,不過影相戴嘅係白色,原來好有睇頭嘅,宣傳語句係咁寫,「方媛同款白色花朵蕾絲鎖骨項鏈女短款頸帶簡約韓國學生choker項圈」,網購11.9人仔,睇嚟佢對條頸鏈情有獨鍾喎!亦有網民大讚身為天王嫂依然咁慳家,將條頸鏈循環再用多次,錫住老公個荷包,認真抵讚!
----------------------------
東網巨星開咗ig喇,大家快啲follow啦!