不捨香港！黎耀祥打消離巢念頭：要留根
20180411
東網電視
更多新聞短片
霸氣！
藝人黎耀祥與林夏薇（薇薇）於尖沙咀一間火鍋店與一眾《逆緣》的演員飯聚，慶祝劇集首播收視理想，男主角黎耀祥表示由他請客，想趁去橫店拍內地劇前與一眾演員吃飯，又交帶薇薇負責接下來的宣傳活動。
滿意劇集收視
提到劇集收視達29點，成績令人鼓舞，薇薇直言開心，黎耀祥則搞笑謂：「依家係非常時期呀，咩世代呀！有29點喎！（你係福將？）唔關我事，係大家嘅努力，呢個組合好得意，又新奇，好少咁貼地嘅題材！」
祥仔認內地片酬高
早前有指黎耀祥將離巢無綫，他表示：「唔係，依家自由度更高，變咗部頭約，冇時間咪唔拍囉，哈哈！我哋keep住個關係！」又直言曾想過直接離開無綫，但又不捨得香港，因為自己是香港演員，認為要留根。至於問到內地酬勞是否更高？他直言是，但認為要為香港演藝圈努力，他說：「上咗去都唔知適唔適應到，香港就好似一個小家庭咁，得到觀眾認同滿足感會大啲！」談到內地新劇將與誰合作，他表示只有他一位香港演員。
林夏薇苦練日文
而林夏薇則被問到劇中會否再有激情戲？她直言仍未播完。問到是否不讓老公收看？他說：「唔係，佢都支持我嘅，佢都估唔到我識講日文！好多人以為我本來就識，但係其實我係練番嚟。」黎耀祥則笑指：「你老公都可能覺得好新，好特別，原來老婆係日本人 ！」林夏薇則表示自己是為了劇集而惡補兩星期日文。
祥仔嗌子華請睇騷
黎耀祥被問到好友黃子華開騷有否派飛給他？黎耀祥表示早已經向對方助手幫忙取票給朋友，他說：「之前都係幫朋友啫，冇諗過依家想買都買唔到，希望佢請我去啦，希望佢有留位！」
----------------------------
東網巨星開咗ig喇，大家快啲follow啦！