望做大贏家 陳漢娜撐「老竇」古天樂封帝

20180412
東網電視
更多新聞短片
陳漢娜對「老竇」古天樂的演技有讚冇彈。
電影《殺破狼.貪狼》於今屆香港電影金像獎共獲得9項提名,戲中飾演古天樂女兒的陳漢娜(Hanna)亦入圍「最佳新演員」,演技得到好評。金像獎頒獎禮將至,陳漢娜為盛典拍攝特刊硬照,一改以往文青女神打扮,以一身黑色示人,下身更有透視效果,長腿若隱若現,型格之餘不失青春氣息。
對於今年獎項,Hanna坦言睇好古天樂能奪得影帝獎座,她接受「金像獎快問快答」遊戲時,被問五個獎項時她都表示看好《殺破狼.貪狼》奪得,不過談到自己角逐的「最佳新演員」,她認為有得提名已經心滿意足。
睇好葉偉信奪最佳導演
其中「最佳男主角」她揀古天樂,Hanna直言要支持「父親」;而「最佳男配角」她同樣揀了《殺破狼.貪狼》的林家棟︰「雖然佢喺在入面係壞人,要捉我,但我仍然會揀佢。」至於「最佳電影」和「最佳剪接」,Hanna同樣二話不說睇好《殺破狼.貪狼》。
至於最後「最佳導演」,Hanna投了執導這套電影的葉偉信一票,直言對方是自己的「伯樂」︰「因為佢夠膽起用一個完全冇人認識嘅新人,同時要感謝佢,因為我好喜歡電影,佢算係我嘅伯樂,佢令我走入電影世界,令我可以成為演員,所以我一定支持佢!」
----------------------------
東網巨星開咗ig喇,大家快啲follow啦!