相隔61年演舞台劇!秦沛叫醫生處方鎮靜劑

20180412
東網電視
更多新聞短片
秦沛相隔61年再拍舞台劇,直言非常緊張。
藝人秦沛出席英皇舞台劇《奪命証人》記招,英皇老闆楊受成亦有蒞臨現場支持。秦沛表示61年前曾與蕭芳芳陳寶珠等一班柴娃娃演出話劇,這次是自己首次正式演出舞台劇,自己在劇中的角色是飾演一位律師。他直言受到監製的極力游說,所以最終決定參與演出這齣舞台劇:「雖然我拍過幾百套電影、電視劇,但係舞台劇嘅演繹方式同電影、電視劇有唔同,所以第一次做舞台劇有啲驚,因為冇得NG。同埋就算風平浪靜,都會驚陰溝裏翻船,所以我希望兩位(劉嘉玲和謝君豪)到時會睇住我。」
身旁的劉嘉玲則說:「我唔會睬佢,好明顯佢喺度詐嬌啦。我哋喺TVB嘅電視劇曾經合作過,我成日都會去佢屋企黐飲黐食,佢都好照顧後輩。依家喺東南亞一講起秦沛呢個名,有邊個唔知佢係一個好戲嘅人。」
講對白係挑戰
秦沛表示舞台劇的劇本中有很多對白,所以演員都需要口齒伶俐,才可以清晰表達劇本的意思:「對於我哋呢啲外省人嚟講喺有啲難,我啲廣東話都喺比你(劉嘉玲)好少少咋。」劉嘉玲說:「我依家啲廣東話都唔差,你(秦沛)到時睇住我呀。」秦沛說:「我一定會啦。」
驚演出時人有三急
秦沛表示期待這次的演出,同時亦非常緊張。他笑言:「舞台劇一做就做2、3個鐘,好驚到時會人有三急。」台下的英皇老闆楊受成笑言叫他演出時着成人尿片,秦沛指平日沒有這個習慣。另外,秦沛透露為了演出順利,所以有向醫生請求處方鎮靜劑,以確保演出當日能夠有穩定的表現。