尷尬問題！李靄璣唔同老公林奕匡共廁

歌手林奕匡太太李靄璣（Rikko）到中環為品牌活動擔任司儀，早前她與老公接受田蕊妮（阿田）主持的節目《1+1的深情》訪問，獲老公與劇組炮製驚喜：「原本話係我整蛋糕畀驚喜佢，點知係佢畀番驚喜我！阿田係一個非常好嘅主持，好多尷尬嘢都敢問。」

問到最令二人感尷尬的問題？Rikko笑言：「佢問我哋會唔會一齊用廁所，我哋就唔會嘅，可能佢有呢個習慣就以為大家都會啦！我都問番佢一個問題，畀佢話我極度核突，我問佢會唔會同另一半Share香口膠，我老公會問我食唔食然後用嘴Pass畀我！（會唔會共用牙刷？）去旅行時先會。」

講到最近圈中有不少人報喜生B，Rikko表示與老公有共識，會是幾年後的事，她又透露會與老公到上海旅遊，因知道老公喜愛一級方程式賽車，已請朋友安排他到賽車維修場作近距離接觸。

----------------------------

東網巨星開咗ig喇，大家快啲follow啦！