再演舞台劇！劉嘉玲中門大開露半球晒腿

藝人劉嘉玲出席英皇舞台劇《奪命証人》記者會，英皇老闆楊受成亦有到場支持。劉嘉玲中門大開上陣，露「半球」兼晒白滑長腿，非常性感。她表示舞台劇有很多對白，所以有一定難度，對演出仍有擔心。她認為自己是一個樂於接受挑戰的人，又坦言每次演出舞台劇後有助提升演技，她又指秦沛是一名實力派演員，所以她未有過份擔心秦沛。

4年冇做舞台劇

劉嘉玲直言：「其實出嚟嗰一下會好緊張，但係見到現場所有嘅工作人員都會好集中咁做番自己嘅嘢，自己亦會變得好集中而唔會發台瘟。（你到時會唔會望台下啲觀眾？）唔會，因為舞台啲燈打埋嚟好殘眼。不過，台下觀眾有時會講嘢、電話響，有啲人會咳，都會令到自己有機會分心？（你幾耐冇做舞台劇？）4年啦，對上一次喺做《杜老誌》。（你諗住做幾多場？）依家暫時係10場，加唔加場就要睇觀眾反應。」她透露導演毛俊輝不准演員在綵排期間請假，問她是否不會跟老公梁朝偉到外地慶生：「因為都要綵排到六月初，我有成四個月都冇得離開香港，所以我會叫佢留喺香港過。」

去沙漠開工當旅行

提及劉嘉玲近日去了沙漠旅行，她表示自己只是到當地拍攝Video，順道作旅遊。她指自己對到當地旅遊已是嚮往已久，並直言：「我都喺第一次去，嗰度啲沙好幼，同埋面積好大。當地嘅沙漠的風景變化每日都唔同，你今日見到嘅風景，聽日已經變咗第二個樣。（唔覺你好曬黑咗？）梗係，我喺當地買咗塊布包到實。今次絕對係體力上嘅遊戲，不過我享受同大自然接觸時間。」

----------------------------

東網巨星開咗ig喇，大家快啲follow啦！