約陳柏宇切磋　何雁詩靠打高爾夫搵番自信

歌手何雁詩（Stephanie）接受電台訪問，講到今年她重拾高爾夫球棍參加公開賽， Stephanie表示從6歲便開始打高爾夫球，直至入娛樂圈後便放低球棍，她謂：「當時18歲，同爸爸講打完亞運返嚟唔打啦，想做其他想做嘅事，就係唱歌。」為何今年又重拾球棍？ Stephanie坦言：「因為年頭我是自己覺得冇乜目標，嗰段時間亦係好唔開心，所以就搵番自己最擅長嘅嘢，就係去打高爾夫球。打咗兩個禮拜，就好似上咗一課人生導師堂，人都開心咗，係我嘅仙丹良藥。」攞起球棍即時自信回歸？Stephanie坦言：「因為打波唔同唱歌，打波好多嘢可以計算得到，可以掌握到，只要你努力去打，就會有好成績，但娛樂圈工作好多時會有反差。」

問到可有和陳柏宇（Jason）切磋球技？Stephanie表示有一齊打，Jason好得意，一邊打一邊好多理論，球技亦算是進步神速。可會叫他參加業餘比賽？她謂：「以佢嘅學習進度絕對可以。」