勵志不文女　Bella自爆靠社交網收入上車

美國迪士尼女星出身的Bella Thorne近年愈來愈癲喪，不時於社交網晒全裸露肉照，更密密換畫，關係七國咁亂，不過不文背後，年僅20歲的Bella都有個勵志故事！她近日於訪問中自爆幾年前就深明搵錢之道，更靠社交網收入成功買到樓！Bella表示一個社交網Instagram（IG）的Post就可以為她帶來約51萬港元，而IG的實時Story亦有7800-1.5萬港元左右，至於Snapchat亦有差不多的收入，難怪她日日夜夜狂晒性感自拍照與生活影片，谷人氣之外原來有錢落袋！

Bella表示：「Instagram係我百分百嘅工作，我18歲開始時有大約200美元（約1569港元）於銀行戶口，而我翌年就買咗樓，係一年半左右，全部都係由社交網而來！」Bella於2016年，當時19歲的她以逾1560萬港元，於洛杉磯買下大宅。Bella於IG有1730萬粉絲，Facebook就980萬粉絲，而Twitter就有700萬粉絲。