為阿嬌棄愛人！蔡卓妍爆婚禮撞正男友生日
20180414
東網電視
更多新聞短片
阿Sa出席金像獎拜神儀式。
藝人蔡卓妍（阿Sa）出席金像獎拜神儀式，處女下海任司儀的她，表示雖然近排與司儀拍檔張繼聰拍劇已有默契，但也擔心屆時的轉數表現，問到會否避開介紹有份爭影帝的前夫鄭中基？阿Sa說：「點解？大家係同行，金像獎係影壇盛事，諗唔到有咩原因要介意。」
做姊妹團
談到好姊妹鍾欣潼（阿嬌）將於下月25日在洛杉磯完婚，阿Sa透露婚禮沒有伴娘，但會聯同容祖兒及鄭希怡組成姊妹團，問到諗定如何玩新郎？她表示：「冇喎！我得到嘅資訊好少，但我哋準備咗條姊妹裙，總之靚啦！（阿嬌婚紗靚嗎？）佢未呀！好亂，之前訂機票用咗香港時間Book，因為冇經驗又多嘢兼顧，等佢遲啲有個完整List畀我哋。」
夾份送婚紗
阿Sa指姊妹團有個電話群組討論婚事，目前首要任務便是準備姊妹裙，問到會送什麼禮物給新娘子？她謂：「同祖兒夾份送婚紗，佢自己揀，唔知幾錢。（成廿萬？）係都幫輕咗！原先我自己話送，後來祖兒話一齊夾，我都想阿嬌好靚咁嫁。（男友一齊去？）佢唔去喇！因為撞正佢同家姐都生日，我遲啲同佢補祝啦！生日年年有，但好姊妹結婚一定要去。」
----------------------------
東網巨星開咗ig喇，大家快啲follow啦！