吳業坤生日買新車：當正係老婆！
20180415
東網電視
更多新聞短片
恭喜晒！
歌手吳業坤出席商場活動，現場演唱新歌及與觀眾大玩遊戲，穿得一身紅噹噹的他坦言心情甚好：「因為我過幾日就生日（4月18日）喇！趁就嚟生日我就買咗架車，打算換一架實用啲嘅，亦都已經買咗啦，買咗十萬蚊。大個仔感受到自己嘅成長，學識『斷捨離』，依家去到無欲無求嘅狀態，本身嗰架車比較奢侈，新車係以代步為主，諗住揸一世㗎喇！舊車買咗一年，當正佢係老婆，賣嘅時候真係有啲唔捨得。」
問到生日點慶祝？吳業坤說要拍劇度過：「我已經喺劇組度周圍同人講我就嚟生日，睇吓佢哋會唔會同我慶祝啦！」至於生日願望，他說：「仲未唱過劇集主題曲，呢個係情意結，新劇亦都會有愛情嘅橋段，想結合演技同音樂做一個作品。」
----------------------------
東網巨星開咗ig喇，大家快啲follow啦！