金像獎：愛心爆棚！古天樂帶病友行紅地氈
20180415
東網電視
更多新聞短片
古天樂好有愛心。
第37屆香港電影金像獎於尖沙咀文化中心正式舉行，金像獎主席爾冬陞率領一眾金像獎董事局成員踏上紅地氈，今年大會主題為「金像同行關懷罕病」，身為「金像同行大使」的古天樂聯同「香港罕見疾病聯盟」主席以及病友一齊踏上紅地氈，參與影壇盛事。古天樂指自己很榮幸能夠擔任大使，並謂：「金像獎第一次有咁嘅安排，希望大家知道我哋關心社會，亦希望大家關注罕見病人同佢哋嘅需要。」
今年被視為影帝大熱的古天樂，被紅地氈司儀卓韻芝問到心情是否緊張？古天樂即搞笑謂：「你就快結婚，你緊張啲。」問到有冇想過得獎感言？古天樂說：「有諗過，但冇Plan過，到時諗到乜就講乜啦！」
望幫助患病小朋友
以黑西裝配白恤衫白煲呔打扮現身的古天樂，被問到佩戴特別的白煲呔是否有甚麼意思？他謂：「沒有，只係好睇。（有冇乜嘢吉祥物？）冇乜。」提到古天樂與一班患有罕見病的小朋友行紅地氈，他說：「佢哋有唔同類型嘅罕見病，有啲藥可以醫到，今次能夠成為大使，希望大家關懷佢哋，有啲有藥醫但好貴，呼籲大家籌錢幫助佢，有一個患病病童嘅家庭都寫咗計劃書，睇吓大家可以點幫，演藝人協會都會幫手籌款。」
輕鬆爭影帝
古天樂又透露自己瞓得好好：「我都以為自己會瞓唔着，但一瞓瞓到今朝十點鐘。（有冇寫定得獎講詞？）有，但攞到先算。（父母有冇嚟支持？）冇。（點解唔叫佢哋嚟？）如果佢哋嚟，攞唔攞獎已經係其次，要安排佢哋坐邊同要照顧佢哋。」
----------------------------
東網巨星開咗ig喇，大家快啲follow啦！