金像獎：孖張繼聰做司儀　蔡卓妍最驚講錯名

藝人蔡卓妍（阿Sa）與張繼聰擔任《第37屆香港電影金像獎頒獎典禮》的大會司儀，兩人雙雙現身行紅地氈，阿Sa穿上白色及黃色低胸晚裝上陣，配襯鑽石頸鏈與耳環，明艷照人。問到一身珠光寶氣是否出動私伙？她坦言：「緊係贊助啦，咁貴，邊有錢買。」

首次做金像獎司儀的阿Sa表示心情緊張：「今日收到好多朋友傳短訊叫我唔好緊張，當係玩，我心諗你做呀，點會唔緊張。我最驚係講錯啲人名，明明啲人成日見，好熟，係朋友，但到一大班人出現就好難講。」張繼聰解釋因為平時私下不會叫對方身份證上的名字，問到如何培養默契？他說：「我哋之前啱啱一齊拍緊套劇，所以就一邊拍一邊練，其實我哋背後有100人準備整個流程幾個月，係好多人嘅功榮，我哋兩個只係企前咗少少，希望今晚好好enjoy，想畀觀眾同得獎者都感受到呢個一年一度嘅盛事。」

問到兩人為何沒有夾定衣着？阿Sa解釋：「佢黑色夾乜都得。今次冇花好多時間去揀衫，因為忙，好多嘢交畀形象指導。」張繼聰自言走端莊路線，他又指前一天綵排至晚上11時多，整個過程都很順利，希望大家享受，因為當中既有溫情又有緊張的環節，問他看好誰人獲獎？他笑言：「呢刻冇得話邊個，睇好自己就算。」

阿Sa自稱做司儀心情緊張，已向口才好好的李克勤請教，對方給自己不少信心，張繼聰認為：「全部人都做得主持，綵排時候好感動，好多人去做呢個騷，希望做個有質素嘅頒獎禮。」

----------------------------

東網巨星開咗ig喇，大家快啲follow啦！

https://goo.gl/KGuo2N