金像獎：揮低鄧麗欣！毛舜筠首封影后

57歲的毛舜筠終嘗影后滋味，於《第37香港電影金像獎頒獎典禮》擊敗鄧麗欣、周秀娜、周迅和張艾嘉等競敵，奪最佳女主角！毛毛之前於《第25香港電影金像獎頒獎典禮》奪最佳女配角，如今擸埋影后，絕對是對她多年來在影圈的肯定。

毛舜筠眼泛淚光激動地表示：「發緊夢咁，感謝神，我唔敢諗，好似冇乜可能。我冇乜預備講乜，驚又會失望。我喺度要多謝投資者、監製同每一個投過我票嘅人，我要多謝我兩個姐妹群組，包括蔡少芬、余安安、陳法蓉、汪明荃、鄭裕玲、曾華倩等。我仲要多謝我嘅家人，我爸爸喺天堂見到一定好開心，最後我要多謝我嘅兩個女，咁耐以來每次輸咗，我都會望住佢哋啲相，同自己講最大嘅奬已經得到，但今日攞住個奬再望住佢哋…我真係幸福。最後及最重要，如果我唔講實死得，要多謝我老公區丁平，佢幫咗我哋好多，我要同佢同觀眾承諾，以後我會做得更加好。」