撐超蓮新舖！準人妻阿嬌春風滿面紅卜卜

藝人鍾欣潼（阿嬌）早前被東網披露將於5月下嫁台灣「醫界男神」賴弘國，會喺美國洛杉磯舉行婚禮，仲會邀請一班好姊妹蔡卓妍、容祖兒、何超蓮等成為「至索姊妹團」之一。向來工作忙碌嘅阿嬌，呢日就喺社交網上載佢去咗超蓮嘅新店支持，仲留言表示：「好好吃，支持失散姊妹＠何超蓮Laurinda」。相中見到心情大靚嘅阿嬌唔單止同碗牛肉麵自拍，仲分享佢其他食物照，見到阿嬌仲食到塊面紅卜卜，非常可愛，好多網民都大讚阿嬌同超蓮感情好好，仲話阿嬌一臉幸福嘅樣子，真係好戥佢開心呀！