金像慶功：影后毛舜筠忙爆唔得閒理老公
20180416
東網電視
更多新聞短片
出爐影后毛舜筠忙到爆，都冇時間同老公分享喜悅。
《第37香港電影金像獎頒獎典禮》影后毛舜筠出席慶功宴，她表示尚未告知老公喜訊：「仲未得閒睇手機，但應該有人同佢講，佢又夜瞓，應該會戥我開心，阿女都戥我開心，得到呢個獎好圓滿，作為一個演員辛苦咗幾十年，早幾年得過女配角，依家女主角，真係好滿足，其實凌文龍得獎嗰陣我已經好激動，都覺得自己有冇獎唔緊要，但佢同我講叫我一定要拎到。」對於黃秋生指明年可能沒有香港電影，毛舜筠表示當時在遊雲沒有留意。
葉德嫻想拍反映女性問題電影
金像女配角葉德嫻出席慶功宴，問到如何慶祝？她笑說：「返去瞓覺㗎喇！聽朝仲要學氣功，朋友介紹老師畀我，對方好快返美國，所以我一早七點就要學。（去旅行慶祝？）我啱啱加拿大返嚟，去咗睇北極光，都睇到同影到相。」講到得獎命中率甚高，她笑說：「我唔覺喎！（因為揀戲？）都係，要好劇本，嚴肅嘅戲比較有機會，唔似啲鬼片、科幻片，喜劇都ok嘅，但冇人搵我。（之後想演咩？）反映女性問題嘅電影，東南亞、非洲貧窮地方有好多女性問題，之前我上網睇到紀錄片，都有留言希望有能力嘅人可以幫手，想呼籲多啲人關注呢類問題，希望有人拍呢類電影。」
---------------------------
東網巨星開咗ig喇，大家快啲follow啦！