日日戴口罩!許芯悅演舞台劇最怕捱病

20180416
東網電視
更多新聞短片
Katie話會有少少性感演出,不過唔會有色情成分。
藝人許芯悅(Katie)日前上電台接受訪問時講到月尾同馬嘉均、黃榕等合作參演的舞台劇,自己為求最好狀態演出正積極操弗身材:「今次會做五場,真係要健身先得,會有少少性感嘅成分,係視覺上性感但意識上唔性感,觀眾可能會睇到少少嘢,但係劇情就冇色情成分。」她自言是事隔十年再次公開參與售票演出,心情緊張:「細個嘅時候都有參加過一啲劇團,試過去中小學作巡迴演出,好緊張,未試過要一次過做五場,每做一場消耗嘅體力都好大,連續咁多場會驚自己唔夠氣,而且要好小心唔好病,真係好嚴重,綵排嘅時候見到好多演員同工作人員都病咗,差唔多八成人都病,我都要戴住口罩保護自己。」
---------------------------
東網巨星開咗ig喇,大家快啲follow啦!